Поэзия Хайбулаева Магомедрасула трогает нас своей искренностью. Читая его стихи, попадаешь в просторный, открытий мир.

Образное мышление на простом языке, открытость души, откровенность мыслей – всё это не оставляет читателя безразличным.

Не покидает чувство, что он глубоко познал, почувствовал весь трагизм существования человека, его пороки, губительность страстей, притворства, лжи, насилия.

Иногда кажется, что лирика – это тот мир, в котором автор ищет и находит успокоение от той другой части бытия, которая рушит понятия добра и справедливости. Здесь он что-то может решить,  что-то зависит от него, а тот другой мир, страшный мир, который помимо его воли пожирает общечеловеческие ценности и катиться в пропасть, он не может спасти. Поэтому в стихах М.Хайбулаева нет никаких призывов: пустым словам автор знает цену. Он никого не убеждает. Понятливый сам поймёт.

Читая некоторые его стихи, хочется воскликнуть что-то типа: «Сотри случайные черты, и ты увидишь - мир прекрасен!» Но вместо этого тихо к горлу подступают другие слова: «…Придёт пора, силу подлости и злобы одолеет дух добра».

Хочется пожелать Магомедрасулу продолжать писать, несмотря на то, что ныне упала «значимость» поэзии. Нельзя руководствоваться принципом «мало кто читает». Настоящий поэт никогда не зависит от предпочтений «толпы». Он знает, что его «стихам, как драгоценным винам, настанет свой черед», и что «цель творчества - самоотдача, а не шумиха, не успех…».                                          

Магомед Гаджимагомедов

ГIаламатаб цоголъи

БукIуна нилъер цо-цо,

Ццин гуреб, роххел гуреб

Я  хвел я гIумру гуреб.

 

БотIрода пикру гуреб,

Каранда бухIи гуреб,

КинабгIаги ишалъе

Шавкъги гъираги гуреб.

 

Гьурмада гьими гьечIеб,

РекIеда ургъел гьечIеб,

ЧIаголъи гъорлъан араб

ЧIобогояб цоголъи.

 

Гьеле гьеб батила доб

ГIадада унеб заман,

ЛъалкIго нахъа толареб

МунпагIат гьечIеб рилъин.

 

Гьелъул асирлъун ккезе

Дие бокьулареб куц,

Гьелъ араб гIумруялда,

Огь, дун бахилъулеб куц.

 

***

ЯхI гьечIеб къаркъала тун,

Къадру гьечIеб дунял тун

РикIкIала цIвабзазухъе

Воржуна дун пикрабалъ.

 

Гьенив эркенлъула дун

Кьвагьи-гIанкиялдаса,

Гьереси-мацIалдаса

ЦIогь, хIила-рекIкIалдаса.

Гьенив вацIалъула дун

Дирго ццин цIаялдаса,

ЦIер гIадин гIамалалъул

ГIунгутIабаздасаги.

 

РикIадаб улкаялъул

Эркенлъуда лъугьиндал

ГьитIинабго тIанкI лъугьун

ТIерхьула гьаб дуниял.

 

Халкъалъул риха-хочи,

Хирияб ризкъи-панза

Пайда багьаго гьечIеб

Бихьула рикIадасан.

 

Дагьаб заман арабго

Амма нахъ вусуна дун.

Расги бокьичIониги

Ватула гьадавго дун.

 

***

Гьаб дунялалда дун

Бесдалавцин вугодай,

Дида данде чIун щайдай

Щибаб нухалъ гьаб бугеб.

 

Асирлъунищ дун вугев

Лъаларев пачаясул,

Сундулниги битI гьечIеб

ТIабигIатго кинаб гьаб.

 

Борхьал гIадин рихьизе

Рокьуларел щай кьолел,

Анищан абун ккарал

Киралиго рикIкIад тун

 

***

 

Шампан чагъиралъул

Чвахизабе гIор

Дир каранлъ боркьараб

Рокьул цIа свине.

 

ЦIезабе цойги лълъар

ЛъугIинабизе

ГIищкъуялъ кIвекIулеб

РекIеда гIазаб.

 

Цойги тIе, цойги цIе,

Мехтизе гьаве,

Дун гьалаг гьавураб

Унти дагьлъизе.

 

ТIе цойги, цIе цойги,

ЦохIо лахIзаталъ

ТалихIав гьавизе

Гьересиялъ дун.

 

***

 

Унго сардил халалъи

Хирияй аскIой гьечIеб,

Хиялазул гьалаглъи

Гьудул рикIкIад йигони.

 

Унго нухлул чIамучIлъи

ЧIалгIен цIикIкIараб мехалъ,

Пикрабазул гIедеги

ГIемералъ рихьичIони.

 

***

 Дир гордал ц1ералда

Ц1адал т1ираби

Т1инк1-т1инк1илан абун

К1ет1олел руго.

 

Столалда т1ад лъураб

Саг1тил к1ут1иялъ

Секундаз дир г1умру

Рик1к1улеб буго.

 

Санал унел руго,

Сун унеб буго

Х1едул чирахъ г1адин

Дир г1олохъанлъи.

 

Г1умруялде бугеб

Г1ищкъугун гъира

Пашманал пикрабаз

Кваналеб буго.

 

Рек1елъ ургъелаби

Г1емерал лъугьун

Г1азаб ц1ик1к1ун буго

Ц1адал лъим г1адин.

 

Гьедин биххун буго

Т1ат1ала реххун

Щаяли г1умрудул

Г1адлу ва низам.

 

Сардил бец1лъи г1адин

Беразда цебе,

Бан буго чег1ерлъи

Бихьуларо нух.

 

Кинабго гьадин тун

Как базе инин,

Аллагьасде вуссун

Сабру гьабилин.

 

Роц1изе бегьулин

Ц1ад лъуг1ун зобал,

Бакъвазе бегьулин

Бакъги щун дунял.

 

Дир ургъелазеги

Батулин сабаб,

Сордо ун къо щолин,

Щиб лъалеб цинги.

 

 

"Анчих", №5, март 2011 г.

Если заметили ошибку, выделите фрагмент текста и нажмите Ctrl+Enter