Херлъун тату хванани

Хабалалъ гьесула ракI

Хабалаз бахIарлъи кьун

Нахъе ритIулелани.

Унтун бусада ккедал

Керен унтун кеп хола,

Щоларел анищалин

Шуршудула гьинал ракI.

***

Дун вахана тIогьиве

ТIугьдузул квацIабазухъ

Анищал рикьизе, махI

СунтIун керен чучизе.

Дир анищал тIуралел

ТIугьдулго рижанадай

ТIолго свералабазда,

Гьал мугIрул щобалазда.

Рижун ратании, Аллагь,

Амру гьабун квер битIе

БатIайиса тIеларо,

Тогьиса тIун урхъила

***

Дир гIумру унеб буго,

Щиб гьабилеб гьалъие,

ГIумруялъ рахIат щвечIеб

ЧIунтаяб лагаялъе.

ЧIвана дица замана,

ГьабичIо гьалъул къимат,

Гьинал ракI буго кунеб

Кодоб щвечIеб гIищкъудухъ.

Если заметили ошибку, выделите фрагмент текста и нажмите Ctrl+Enter