Шамсудин Расулов

Къеда  гачIор алъерди -

Ругъе бутIуслъоб хьване,

Гьекьа сессе белъутIус

Ургъо гьекьерел цIакъоб.

 

Нагагь гьекьо белълъабар,

Гъарда чIебоб хванчаго,

РакIва бечIатIа гьикьа

ЖахIда пигьес эл гачIен.

                                       

Гьари гирар чIиниби

ГьаркIакьивел гьаачIе

Цевелащур сумиби

Гьаас бикIвар хьоб гачIе

 

ГIададачIе гьекьироб

Хобдибисе гандаро,

БикIва хьогьира заман

Гьини менда  воккуроб.

 

ИманикIе хьвардощва

Бечващулал эккироб,

Сабру мисалал багьо

Хара иман щубиро

***************************************

Релъа никъо къой никъо

Гьаасс дунал цIиникIIус

РухI-чIаголъи белироб...

Хабар минас реиболъ...

 

Бесалахъ анзе бицIас

Чванрчварирор эххалди,

Жемеарчор харинди,

Рошиба гигин-цици,

ЧIIирчIIирирор щакибди,

Хури тIамоб эл бехьва

ДогIа-алхIамел цIIало,

Хьуй рахъоб къойел гагьо

Хури-ахи нишхъерди,

Щущумирор орчалди,

Пиххилдирор пиради...

Хабар минас реиболъ...

Если заметили ошибку, выделите фрагмент текста и нажмите Ctrl+Enter