Магомедрасул Хайбулаев

Муг!рул зодир рахарал  

Борхатаб т!алъиялда  

Къадруяб аслуялъул  

Росу гьале дир Г!анчихъ  

Г!акълуялъулъ гъваридаб  

Гьунаразе гьарзаяб  

Рак! бахилаб халкъ гьале  

Хириял дир Анчиди  

Гьалбазе каву къач!ел  

Тушманасе къуркьич1ел  

Къо кедал чаранг1адал  

Чаг!и руго Анчиди  

Умумул бах!арчиял  

Бах!аразул ц!ар арал  

Адаб намус ц!унарал  

Ц!ик!аги нуж Анчиди  

Бичаасе х1еларал  

Х!ажаталъе х!алаял  

Х!ила рек! рик!ад тарал  

Тайги сахго Анчиди  

Махшелчаг!и г!емерал

Г!алимчаг!и камилал  

К!вах! гьеч!ел х!алт!ухъаби  

Ч!ахъаги нуж Анчиди  

К!удияб Ват!аналъул  

Гьит!инабго цо бут!а  

Т!егьай бокьулеб Г!анчихъ

Баче цебе дурго ц!ар  

Гьале гьанив гьавуна  

Гьале гьанив г!уна дун  

Г!умру тараб мехалда  

Хобги гьаниб гьабе дир  

Если заметили ошибку, выделите фрагмент текста и нажмите Ctrl+Enter